విజ‌య్ దేవ‌ర‌కొండ `లైగ‌ర్‌` ట్రైల‌ర్ అంద‌రినీ ఊపేస్తోంది. ఈ ట్రైల‌ర్ రిలీజ్ ఈవెంట్ హైద‌రాబాద్‌లోని సుద‌ర్శ‌న్ థియేట‌ర్లో జ‌రిగింది. థియేట‌రంతా.. రౌడీ ఫ్యాన్స్‌తో నిండిపోయింది. ఫ్యాన్స్ ని చూసిన ఆనందంలో విజ‌య్‌. చాలా ఉద్వేగంగా మాట్లాడాడు. ”మీకు మా అయ్య తెలీదు మా తాత తెలీదు. ఎవ్వ‌డూ తెలీదు. సినిమా రిలీజ్ అయి రెండేళ్ల‌య్యింది. ముందు రిలీజ్ అయిన సినిమా కూడా పెద్ద‌గా చెప్పుకొనే సినిమా కాదు. అయినా ట్రైల‌ర్ కే ఇంత రచ్చేంద్రా నాయినా.. డాన్సంటే నాకు చిరాకు… అంత డాన్స్ చేశానంటే కార‌ణం.. నా ఫ్యాన్స్‌ ఎంజాయ్ చేయాలి.. అని చేశా. ఈ సినిమాని మా ఫ్యాన్స్‌కి అంకితం చేస్తున్నా. ఆగ‌స్టు 25 థియేట‌ర్లు నిండిపోవాలి. గ్యారెంటీగా చెబుతున్నా. ఆగ‌స్టు 25 ఇండియా షేక్ అయిపోతుంది. ప్ర‌మోష‌న్లు లేట్ అయ్యింద‌ని మీరంతా ఫీల‌య్యారు.. ఇప్పుడు బుల్లెట్ దిగిందా, లేదా??” అంటూ… ఎప్ప‌టిలానే హుషారుగా మాట్లాడాడు. పూరి కూడా ఈ సినిమాపై బోలెడంత న‌మ్మ‌కంతో ఉన్నాడు. ”రాసుకోండి.. ఆగ‌స్టు 25న‌… ఇండియాకి ఓ కొత్త సూప‌ర్ స్టార్ వ‌స్తున్నాడు..” అంటూ పూన‌కంతో ఊగిపోయాడు. ”క‌ర‌ణ్ జోహార్‌ని ఇక్క‌డికి తీసుకొచ్చింది లైగ‌ర్ ట్రైల‌ర్‌ని చూపించ‌డానికి కాదు.. మిమ్మ‌ల్ని చూపించ‌డానికి” అంటూ అభిమానుల్ని ఉద్దేశించి అన్నాడు పూరి. మొత్తానికి ఈవెంట్… `లైగ‌ర్‌` ప్ర‌మోష‌న్ల‌కు క‌ర్టెన్ రైజ‌ర్ లా ఉప‌యోగ‌ప‌డింద‌న‌డానికి ఎలాంటి సందేహం లేదు.