విజ‌య్ దేవ‌ర‌కొండ కెరీర్‌లో తొలి వంద కోట్ల సినిమాగా నిలిచింది గీత గోవిందం. చిన్న సినిమాగా విడుద‌లై.. అనూహ్య‌మైన హిట్ అందుకొంది. ఈ సినిమాతోనే… ప‌ర‌శురామ్ కూడా పెద్ద హీరోల దృష్టిలో ప‌డ్డాడు. ఇప్పుడు ఈ కాంబో మ‌రోసారి రిపీట్ కానుంద‌ని స‌మాచారం. `స‌ర్కారు వారి పాట‌` త‌ర‌వాత ప‌ర‌శురామ్‌ నాగ చైత‌న్య‌తో ఓ సినిమా చేయాలి. ఆ సినిమా అనివార్య కార‌ణాల వ‌ల్ల ఆగిపోయింది. అప్ప‌టి నుంచీ మ‌రో హీరో కోసం అన్వేషిస్తూనే ఉన్నాడు ప‌ర‌శురామ్. దిల్ రాజు బ్యాన‌ర్‌లో విజ‌య్ ఓ సినిమా చేయాలి. దిల్ రాజు ఎన్ని క‌థ‌లు వింటున్నా – విజ‌య్‌కి ప్రాజెక్ట్ సెట్ చేయ‌లేక‌పోతున్నాడు. ఎట్ట‌కేల‌కు… ప‌ర‌శురామ్ – విజ‌య్ దేవ‌ర‌కొండ కాంబో… ఓకే అయిన‌ట్టు టాక్‌. గీత గోవిందం త‌ర‌వాత ప‌ర‌శురామ్ తో చేయాల‌ని.. విజ‌య్ కూడా అనుకొంటూనే ఉన్నాడు. అలా.. ఈ కాంబో ఈజీగా సెట్ అయిపోయింది. ప్ర‌స్తుతం ఖుషి ప‌నుల్లో ఉన్నాడు విజ‌య్‌. ఆ వెంట‌నే.. ప‌ర‌శురామ్ క‌థ సెట్స్‌పైకి వెళ్లే అవ‌కాశాలు ఉన్నాయి. నాగ‌చైత‌న్య కోసం అనుకొన్న క‌థే.. ఇప్పుడు విజ‌య్ కోసం కాస్త మార్చిరాస్తున్న‌ట్టు టాక్. త్వ‌ర‌లోనే ఈ ప్రాజెక్టుకి సంబంధించిన అధికారిక ప్ర‌క‌ట‌న వ‌చ్చే అవ‌కాశం ఉంది.