మ‌హేష్ బాబు – రాజ‌మౌళి కాంబినేష‌న్‌లో ఓ సినిమా రూపుదిద్దుకొంటున్న సంగ‌తి తెలిసిందే. ఈ చిత్రంలో ప్ర‌తినాయ‌కుడిగా విక్ర‌మ్ న‌టిస్తార‌న్న ప్ర‌చారం జోరుగా సాగుతోంది. ‘మ‌హేష్ – విక్ర‌మ్ కాంబో అదిరిపోతుందిలే..’ అనే అంచ‌నాల్లో ఉన్నారు ఫ్యాన్స్‌. దీనిపై ఇప్పుడు విక్ర‌మ్ స్పందించారు. ‘తంగలాన్‌’ ప్ర‌మోష‌న్ల కోసం విక్ర‌మ్ హైద‌రాబాద్ వ‌చ్చారు. ఈ సంద‌ర్భంగా రాజ‌మౌళి సినిమాలో న‌టిస్తున్నారా? అనే ప్ర‌శ్న విక్ర‌మ్ కు ఎదురైంది.

”రాజ‌మౌళితో క‌లిసి ప‌ని చేయాల‌ని ఎప్ప‌టి నుంచో అనుకొంటున్నా. చాలాసార్లు ఈ విష‌య‌మై మాట్లాడుకొన్నాం. త‌ప్ప‌కుండా ఓ సినిమా చేస్తాం. అయితే.. అది ఎప్పుడో చెప్ప‌లేను” అన్నారు విక్ర‌మ్‌. మ‌హేష్ సినిమాలో న‌టించే ఆఫ‌ర్ త‌న‌కు వ‌చ్చిందా, రాలేదా? అనే ప్ర‌శ్న‌కు ఆయ‌న సూటిగా స‌మాధానం చెప్ప‌లేదు. కాక‌పోతే… రాజ‌మౌళి మైండ్ లో మాత్రం విక్ర‌మ్ ఉన్నాడు. ఇది మాత్రం క్లియ‌ర్‌. అది మ‌హేష్ సినిమాతో అయితే ఫ్యాన్స్ కూడా హ్యాపీ. మ‌హేష్ – విక్ర‌మ్ కాంబో కూడా ప‌వ‌ర్‌ఫుల్ గానే ఉంటుంది.

మ‌రోవైపు ‘తంగ‌లాన్‌’ ఈనెల 15న విడుద‌ల‌కు సిద్ధ‌మైంది. ఆరోజున ‘డ‌బుల్ ఇస్మార్ట్’, ‘మిస్ట‌ర్ బ‌చ్చ‌న్‌’ సినిమాలు విడుద‌ల‌కు రెడీ అయ్యాయి. కాంపిటీష‌న్ విష‌యంలో త‌న‌కెక‌లాంటి బెంగ లేద‌ని, అన్ని సినిమాలూ ఆడాల‌ని, త‌న సినిమాకూ మంచి డ‌బ్బులు రావాల‌ని కోరుకొన్నారు విక్ర‌మ్‌. పా.రంజిత్ ద‌ర్శ‌కత్వం వ‌హించిన ఈ చిత్రంలో విక్ర‌మ్ గెట‌ప్‌, ఆయ‌న బాడీ లాంగ్వేజ్ షాక్ ఇచ్చేలా ఉన్నాయి. మ‌రి రిజ‌ల్ట్ ఎలా ఉంటుందో చూడాలి.