మంచు విష్ణు, మనోజ్ మధ్య ఏవో గొడవలు వున్నాయి. అయితే అది ఇండస్ట్రీ క్లోజ్ సర్కిల్ లో వున్న కొద్దిమందికే తెలుసు. కానీ మొన్న మనోజ్ విడుదల చేసిన వీడియో కారణంగా గొడవ పబ్లిక్ అయ్యింది. అయితే దీనిపై మంచు ఫ్యామిలీ నుంచి ఎవరూ స్పందించడానికి ఇష్టపడలేదు. మనోజ్ మాత్రం తన ట్విట్టర్ పరోక్షంగా కొన్ని సూక్తులు పెట్టాడు. అవి ఎవరి తగలాలో వాళ్ళకి తగిలాయి.
అయితే ఈ గొడవ బయటికి వచ్చిన కొన్ని రోజుల తర్వాత విష్ణు ‘హౌస్ అఫ్ మంచుస్’ అంటూ ఒక వీడియో విడుదల చేశాడు. ఇదొక రియాలిటీ షో అన్నాడు. దీంతో మంచు బ్రదర్స్ మీడియా, జనాలతో ఆడుకుంటున్నారా ? అనే విమర్శ కూడా వచ్చింది. అయితే అసలు విషయం వేరే వుంది. అసలు ఇలాంటి రియాలిటీ షోనే వాళ్ళు చేయడం లేదు.
విష్ణు విడుదల చేసిన వీడియోనే తేడాగా వుంది. ఆ వీడియో మనోజ్ కి సంబధించిన ఒక్క షాట్ లేదు. మొత్తం విష్ణు, మోహన్ బాబు, వాళ్ళు నడుపుతున్న సంస్థల విజువల్స్ కనిపించాయి కానీ మనోజ్ లేడు. అప్పుడే ఇది ఉత్తుత్తి షో అని చాలా మంది అర్ధమైయింది. పైగా ఈ వీడియోని అటు మనోజ్ గానీ లక్ష్మీ గానీ షేర్ చేయలేదు. అసలు లాంటి షో ఏమీ చేయడం లేదనేది వారి సమాధానం. జరిగిన గొడవని కవర్ చేయడానికి విష్ణు క్రియేట్ చేసిన వీడియోనే కానీ అందులో రియాలిటీ లేదనేది మాత్రం వాస్తవం.
