విష్ణు క‌థానాయ‌కుడిగా ‘ఓట‌ర్‌’ అనే సినిమా మొద‌లై, పూర్త‌యి… ఆగిపోయింది. రెండేళ్లుగా ఈసినిమా ల్యాబుల్లోనే ఉంది. ఇప్పుడు దీనికి బూజు దులిపి విడుద‌ల చేయ‌డానికి విష్ణు రెడీ అవుతున్నాడు. ఏప్రిల్‌లో ఈ సినిమా విడుద‌ల అవుతుంద‌ట‌. ఈనెల‌లోనే ప్ర‌మోష‌న్ల‌కు శ్రీ‌కారం చుడ‌తార‌ని స‌మాచారం. ఏపీలో రాజ‌కీయ వాతావ‌ర‌ణం వేడెక్కుతోంది. అందుకే.. ఈ త‌రుణంలో ఇలాంటి సినిమాల‌కు గిరాకీ ఉంటుంద‌ని విష్ణు భావిస్తున్నాడు. సుర‌భి క‌థానాయిక‌గా న‌టించింది. జి.కార్తీక్ రెడ్డి ద‌ర్శ‌కత్వం వ‌హించారు. పోసాని కీల‌క పాత్ర‌ధారి. మ‌రోవైపు… శ్రీ‌నువైట్ల‌తో ఓ సినిమా చేయ‌డానికి స‌మాయాత్తం అవుతున్నాడు విష్ణు. ఈ సినిమాకి సంబంధించిన పూర్తి వివ‌రాలు త్వ‌ర‌లో వెల్ల‌డ‌వుతాయి.