త్రివిక్రమ్ సినిమాలో కీలకపాత్రలు కొన్ని వుంటాయి. అందులోనూ స్త్రీపాత్రలు. వాటికి ఆయన ఎంచి ఎంచి నటులను తెస్తుంటారు. అత్తారింటికి దారేది, అ..ఆ సినిమాల్లో నదియాను, సన్నాఫ్ సత్యమూర్తిలో స్నేహ ను, అజ్ఞాతవాసిలో కుష్బూను, అరవింద సమేతలో ఈశ్వరీరావును ఇలా తీసుకున్నారు. ఇప్పుడు చేయబోయే బన్నీ సినిమాలో ఎవరు? అన్నది డిస్కషన్ లో వుంది.
ఔత్సాహికులు అప్పుడే నదియా, నగ్మా అంటూ వార్తలు వండేసారు. అయితే వీరిద్దరూ కాదని తెలుస్తోంది. త్రివిక్రమ్ తన స్టయిల్ లో ఎవ్వరూ ఊహించని విధంగా మరో వెటరన్ హీరోయిన్ ను ఎవరినయినా రంగంలోకి దింపుతారని, ఆయన పద్దతి తెలిసిన వారు అంచనా వేస్తున్నారు.
బన్నీ సినిమాలో హీరో తల్లి పాత్ర అయితే కీలకమే అని తెలుస్తోంది. కానీ ఎవర్ని తీసుకుంటారన్నది ఒకటి రెండు రోజుల్లో ఫైనల్ అవుతుందని తెలుస్తోంది. నగ్మా అయితే కానే కాదని పక్కాగా తెలుస్తున్న సంగతి.
