‘కేజీఎఫ్’ తో దేశ వ్యాప్తంగా గుర్తింపు తెచ్చుకొన్నాడు య‌ష్‌. పార్ట్ 2 కూడా సూప‌ర్ హిట్ అవ్వ‌డంతో – య‌ష్ క్రేజ్ మ‌రింత పెరిగింది. త‌న త‌దుప‌రి సినిమా ఎప్పుడు? ఎవ‌రితో? అనే ఆస‌క్తి అంద‌రిలోనూ నెల‌కొంది. మ‌ధ్య‌లో చాలామంది ద‌ర్శ‌కుల పేర్లు వినిపించాయి. లోకేష్ క‌న‌గ‌రాజ్ లాంటి ద‌ర్శ‌కులు య‌ష్‌తో సినిమా చేయ‌డానికి ఉత్సాహం చూపించారు. ‘కేజీఎఫ్ 3’ కూడా వ‌స్తుంద‌ని ప్ర‌చారం జ‌రిగింది. అయితే అనూహ్యంగా ఓ ద‌ర్శ‌కురాలికి అవ‌కాశం ఇచ్చాడు య‌శ్‌.

గీతూ మోహ‌న్ దాస్ అనే ద‌ర్శ‌కురాలు చెప్పిన క‌థ‌కు య‌ష్ ఓకే చెప్పాడు. ‘మూత‌న్‌’ అనే సినిమాతో జాతీయ స్థాయిలో గుర్తింపు తెచ్చుకొంది గీత‌. చాలా కాలంగా య‌ష్ చుట్టూ తిరుగుతోంది. ఎట్టకేల‌కు… గీతూ చెప్పిన క‌థ‌కు య‌ష్ ప‌చ్చ జెండా ఊపాడు. కేజీఎఫ్ త‌ర‌వాత య‌ష్ ప‌ట్టాక్కించే సినిమా ఇదే. త్వ‌ర‌లోనే అధికారిక ప్ర‌క‌ట‌న వ‌స్తోంది. కేజీఎఫ్‌తో య‌ష్ యాక్ష‌న్ హీరో అయిపోయాడు. కానీ గీతూ ఆయ‌న కోసం ఓ ల‌వ్ స్టోరీ రాసుకొంద‌ట‌. మ‌రి.. ఈ ల‌వ్ స్టోరీలో య‌ష్ ఎలా క‌నిపిస్తాడో చూడాలి.